Во Албанија утре пристигнуваат 7.000 вакцини од „Фајзер“, до сега вакцинирани над 1.200 здравствени работници
Во Албанија утре треба да пристигнат 7.000 вакцини од договорените 500.000 со компанијата „Фајзер“.
Претходно, на почетокот на месецов во земјата пристигнаа 1.170 а до крајот на месецов треба да пристигне нова количина или вкупно 40.000 вакцини.
Вакцинацијата во Албанија почна на 11 минатиот месец по добиената донација од 975 дози вакцини од, како што рече премиерот Еди Рама, пријателска земја која не сакала нејзиното име да биде јавно соопштено.
Според официјалната статистика до сега две дози од вакцината добиле 540 здравствени работници и премиерот Рама, додека првата доза ја примиле 689 здравствени работници.
И додека вакцинацијата се одвива со забавена динамика, вирусот забрзано се шири. Во просек дневно овој месец има по над 1.050 нови случаи, по 13 починати а четирите ковид болници се преполни.
Како што вчера информираше Министерството за здравство и социјална заштита, во изминатиот деноноќие, од направените 3.994 тестови, позитивен резултат е добиен кај 1.152 лица што се високи 29 проценти од тестираните.
Во исто време починале 12, оздравеле 740 додека во четирите ковид болници, кои располагаат со вкупно 550 легла, хоспитализирани се 512 пациенти.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка