Во Албанија нови 15 случаи со Ковид-19, вкупно заразени 212 лица
Бројот на заразени со „Ковид-19“ во Албанија се зголеми на 212 лица. Според податоците објавени од Министерството за здравство во последните 24 часа, дијагностицирани се 15 нови случаи.
– Во последните 24 часа се тестирани 111 сомнителни случаи, при што ново дијагностицирани се 15 случаи. До денеска, тестирани се 1.436 сомнителни случаи и од нив потврдени се 212 случаи. Десет од заразените починаа додека 40 се излекувани. Во моментов има 76 лица хоспитализирани во Инфектвната клиника во Тирана,од нив шест се на интензивна нега, од кои четворица се интубирани. Останатите се во стабилна состојба до овој момент, изјави заменик-министерката за здравство Мира Ракацоли.
Таа додаде дека мапата на заболените е проширена со градот Мирдита, а бројот на заболени се зголемува во Тирана, Драч и Фиер.
Според местото на живеење најголем број од заразените се од Тирана или 121 лице, од Фиер 22, Корча и Драч по 12, Валона, Елбасан, Скадар Лежа и Круја по пет, Љушња и Каваја по четири, Пук и Тропоја по 3,Рогожина и Хас по два, Берат и Мердита по едно лице.
Албанското Министерство за здравство и социјална заштита уште еднаш упати апел до граѓаните да не одат веднаш во болница туку да се посоветуваат со нивиот семеен лекар, а за информации за новиот коронаврус да се обратат и на специјализираните телефонските линии.
– Ве замолуваме, продолжете да седите дома затоа што тоа е единствениот начин да можеме да го надминеме овој предизвик, порача Ракацели.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите