Во Албанија денеска ден на национална жалост
Со одлука на албанската Влада, денешниот ден (10 мај) прогласен е ден на национална жалост во чест на каплар Зарифе Мухарем Хасанај, која го загуби животот во рамки на мисијата во Летонија.
Според оваа одлука, во сите државни институции знамињата ќе бидат спуштени на половина копје а во 12 часот низ целата земја ќе и се оддаде почит со едноминутно молчење.
Ковчегот со посмртните останки, кој од Летонја пристигна вчера, од 10 до 11,30 часот ќе биде зложен во Конгресната палата кога ќе и се оддаде почит на Хасанај, која Владата ја прогласи „Херој на татковината“.
Потоа во 12 часот ќе се одржи државна почест, а погребната церемонија ќе биде во 13 часот на гробиштата „Народни херои“ каде ќе биде вечното почивалиште на Хасанај.
Припадничката на албанската армија, Хасанај (27) го загуби жвотот во Летонија, како последица на здобиените повреди од експлозија на мина, додека Командантот на албанскиот контингент, мајор Клодиан Никола Тануши и наредникот Јулиан Џеват Капај беа тешко повредени. Мајорот Тануши се уште е во критична состојба.
Ново на Сител
-
Даштевски: Има прекин на 3 места во Куманово
-
Излезноста до 17 часот е 44,18 отсто
-
Во општина Гостивар гласале над 20 илјади граѓани
-
До 15 часот во Велес излезеноста 38,93 отсто, во Чашка 37, а во Градско 41,64
-
МВР: Регистрирани пет нови инциденти при гласање ширум државата
-
Оваа година поголем одзив до 15 часот во споредба со 2019
-
Излезеноста во Куманово до 15 часот 33 проценти, во Липково 25, во Старо Нагоричане 35
-
Излезеноста на изборите до 15 часот во Дебар 22, во Центар Жупа 13,11 отсто