Во Албанија 135 новозаразени, шест починати од Ковид-19
Во Албанија и во последното деноноќие регистрирана е висока бројка на новозаразени, но и на оздравени од Ковид-19, а голем е и бројот на оние на кои им е потребно болничко лекување, јави дописничката на МИА од Тирана.
Според Министертвото за здравство и социјална заштита, од направените 860 тестови на сомнителни случаи, позитивен резултат е добиен кај 135 од нив, што значи 16 отсто од тестираните случаи се позитивни.
-Со последно направените, до сега тестирани се вкупно 67.057 лица, позитивни биле 10.102, во списокот на оздравени се впишани 5.976 (94 во последните 24 часа). Со починатите шест пациенти, во последното деноноќие, бројот на оние кои ја загубиле битката со опасниот вирус се зголеми на 312, додека активни на болеста се 3.814 лица, се наведува во соопштението на Министертвото.
Моментно во двете ковид болници се хоспитализирани 189 лица, од нив 12 се на интензивна терапија, додека четврица паценти се интубирани.
Меѓу починатите во последното деноноќие е 63 – годишна медицинска сестра и Зулиха Краја(78), познат хирург во пензија од Скадар, еден од основоположниците на современата хирургија во земјата.Таа по појавата на пандемијата се вратила да им помогне на колегите во Регионалната болница во овој град. И двете се заразиле од контакт со пациент.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца