ВМРО-ДПМНЕ:Нови предвремени парламентарни избори - решение за излез од политичката криза
ВМРО-ДПМНЕ смета дека нови предвремени парламентарни избори се решение за излез од политичката криза во која СДСМ по изборите повторно ја втурна државата.
- Зоран Заев во обид да се спаси себе си и својата криминална дружина кои се потонати до гуша во криминал е спремен во целост да ја реализира Тиранската Платформа и со тоа да ја редефинира Република Македонија, стои во денешното соопштение од ВМРО-ДПМНЕ.
Дополнително секој ден, како што се наведува во соопштението, гледаме како полицијата апси трговци со дрога, лица кои се дел од неговото потесно опкружување и со кои тој работел во кампања. - Затоа Зоран Заев е избезумен и е спремен на се само да дојде до власт во надеж дека така ќе се спаси од криминален прогон. За да се спаси себе и екипата околу себе, Заев ја прифати Тиранската Платформа, која во целост е неуставна. Со неа се пропишува целосна двојазичност и промена на името по грчки терк, велат од ВМРО-ДПМНЕ.
Тиранската Платформа, како што истакнуваат од партијата, го загрозува и поништува мултиетничкиот и унитарен карактер на државата, а со нејзина реализација Заев го прави првиот чекор кон федерализација на Република Македонија што ќе значи дефинитивен нејзин распад.
- Затоа за ВМРО-ДПМНЕ е неприфатлива ваквата Тиранска Платформа и ја отфрли уште во текот на преговори. За ВМРО-ДПМНЕ ова е дрзок и подмолен обид да се изврши притисок врз Република Македонија за промена на името спакуван во уцена преку Тирана, истакнуваат во соопштението од ВМРО-ДПМНЕ.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање