ВМРО-ДПМНЕ: Заев вети членство во ЕУ и НАТО без задирање во националните интереси
Зоран Заев вети брзо членство во ЕУ и НАТО без да се задира во идентитетските прашања и без да се склучуваат какви било договори на штета на националните и државни интереси, наведува ВМРО-ДПМНЕ во пишаната реакција на изјавата на премиерот Заев дадена на средбата со граѓанските организации.
Според ВМРО-ДПМНЕ, тоа што Заев сега го говори, ослободување на препораката од дополнителните услови Македонија го имаше до 2015 година, односно, како што се наведува, до моментот кога СДСМ крајно неодговорно ја втурна земјава во политичка криза.
- Граѓаните не смее да бидат манипулирани. Граѓаните паметат дека Радмила Шекеринска ветуваше решавање на прашањето за името во рок од шест месеци и брзо членство во ЕУ и НАТО. Новата власт има обврска да го реализира тоа што го вети, се вели во реакцијата.
ВМРО-ДПМНЕ соопшти дека ќе продолжи да ги користи сите меѓународни контакти за да лобира за што е можно поскоро отпочнување на преговорите за влез во ЕУ и добивање на покана за членство во НАТО. Само со остварување на овие цели, како штос е наведува, ќе се исправи неправдата која и беше нанесена на земјава.
Ново на Сител
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море