ВМРО-ДПМНЕ: Владата планира да потроши четири милијарди евра за предизборен поткуп на гласачи
Криминално рекетарската влада во заминување предводена од Зоран Заев го скрои најголемиот, најрасипничкиот и најкоруптивниот буџет во историјата на Република Македонија.
Владата која во три години ништо не сработи, сега планира да потроши неверојатни 4 милијарди евра кои повеќе од јасно е дека ќе завршат во предизборен поткуп на гласачи.
СДСМ досега потроши повеќе од 9 милијарди евра, а апсолутно ништо не направи со тие пари. Никаде ги нема новите автопатишта, нема нови училишта, нема студентски град и реновирани студентски домови, а за новиот Клинички центар немаат ни темели поставено.
Со новиот буџет освен за расипништво СДСМ не предвиде повеќе пари за автопати, железници, гасоводи, а нема ниту за Чебрен и Галиште, ниту за ТЕЦ Неготино.
Залудно СДСМ ветува реализација на капитални инвестиции кога граѓаните се уверија дека ова е најнеспособната влада досега. Откако е СДСМ на власт капиталните инвестиции буквално стагнираат.
Изминатата година беше најлоша во откако Македонија е независна држава, а оваа ќе биде уште полоша бидејќи досега имаат реализирано само 37,63% и како што стојат работите нема да реализираат ни половина од тоа што самите го планирале.
Дека СДСМ е најнеспособната влада за реализација на капитални проекти говори и фактот им требаше повеќе од година дена да пуштат во употреба готов автопат кој им го остави владата на ВМРО-ДПМНЕ.
Воедно поголемиот дел проекти кои им ги остави ВМРО-ДПМНЕ стагнираат и заради расипништвото на СДСМ сега граѓаните ќе треба да плаќаат пенали од стотици милиони евра.
Единствено со што може СДСМ да се пофали е дека ја зголеми сиромаштијата и сега повеќе од 500.000 граѓани едвај преживуваат, и со тоа што долгот го зголемија на повеќе од 50% од БДП. Токму затоа на 12 април завршува расипништвото на оваа криминално рекетарска влада предводена од СДСМ и доаѓа обнова на Македонија со ВМРО-ДПМНЕ.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица