ВМРО - ДПМНЕ: СДСМ носи штетни закони за македонскиот народ и државата
„Република Македонија крахира и на економски и на политички план. Граѓаните секојдневно осиромашуваат, а СДСМ носи закони кои се на штета на интересите на македонскиот народ и држава. Се покачуваат акцизите и давачките, а на политички план се злоупотребуваат институциите и политички се гонат неистомислениците.
Владата на Зоран Заев за само три недели Република Македонија ја задолжи за 600 милиони евра.
На сила се турка неуставен закон за двојазичност, а од јавноста се крие што се договора за името на државата.
Демократија нема, а судовите политички и без никаква основа во притвор држат патриоти.
Видни актери, уметници, режисери, архитекти, доктори и истакнати граѓани се прогласени за терористи.
Судот делува како продолжена рака на СДСМ и му помага на Заев во политичката хајка против лица кои никогаш не сториле ниту прекршок, а не пак терористички акт.
Дурловски, Чавков, Дамовски, Илиевски, Јовановски и останатите не се терористи, туку патриоти!
Државата нема да тргне ни чекор напред кон ЕУ и НАТО се додека не се почитуваат елементарните права на човекот.
Правосудните органи во интерес на Македонија и иднината на државата мора да ја вратат правната државата. Власта мора веднаш да запре со законските и институционални злоупотреби во интерес на функционалноста на државата.
Законите мора да биде исти за сите.
Селективноста и неправдата одат на штета на Република Македонија. Државата мора да биде еднаква кон сите“, се вели во соопштението на ВМРО-ДПМНЕ.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари