ВМРО-ДПМНЕ: СДСМ нема капацитет за проекти во патната мрежа
СДС не може да се помири со фактот што токму во време на ВМРО-ДПМНЕ се инвестираше во инфраструктурата како никогаш до сега. Се градат три автопати во исто време и уште стотици километри локални и регионални патишта, соопшти попладнево ВМРО-ДПМНЕ.
Во партиската реакција на соопштението на СДСМ во врска со изјавата на претседателот на ВМРО-ДПМНЕ Никола Груевски, стои дека „СДС ниту во минатото, ниту во иднина ќе има капацитет барем приближно да реализираат проекти и инвестиции во патната мрежа“.
- Најдобар показател за нивната работа во ова поле е ветениот, а никогаш не реализиран пат од Велес до Прилеп. Вакви големи лаги СДС ветувал и во минатото, ветува и сега. Единствено народот по кои ги памети СДС се лажните ветувања од кои никогаш, па ни сега нема да има реализација и дела, посочува ВМРО-ДПМНЕ.
Со соопштението, додава, СДСМ потврдува дека е исто со СЈО и дека Катица Јанева е слуга на Зоран Заев преку кој се манипулира јавноста и се креираат политички случаи. - Правото и правдата се на страна на ВМРО-ДПМНЕ, а Зоран Заев и Катица Јанева еден ден ќе се срамат и ќе сносат одговорност за злоупотребите. Криминалите на Зоран Заев не застаруваат, заклучува ВМРО-ДПМНЕ.
Ново на Сител
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција