ВМРО-ДПМНЕ: СДСМ на страна на напаѓачите на докторите
За СДСМ е поважна хајката врз министерот за здравство Никола Тодоров отколку осуда на сторителите на вчерашниот напад на скопските клиники, истакнува ВМРО-ДПМНЕ во реакција на ставовите на опозициската СДСМ за последните случувања.
Според ВМРО-ДПМНЕ, „срамно и лицемерно е тоа што опозициската партија и покрај фактите продолжува да стои на страна на осомничените и не го осудува криминалниот акт кој што тие го извршија“.
Осомничените за нападот врз докторите, наведува ВМРО-ДПМНЕ, денеска беа изведени пред надлежен судија на претходна постапка во Основниот Суд Скопје 1 - Скопје и добија пет кривични пријави. Се товарат за убиство во обид, нелегално поседување оружје, соучесништво, напад врз службено лице и предизвикување општа опасност.
- Судија на претходна постапка, откако ги ценеше фактите и приложените докази, им определи мерка притвор во времетраење од триесет дена. Ова се фактите. СДСМ и покрај фактите продолжува да стои на страна на осомничените и не го осудува криминалниот акт кој што тие го извршија, се вели во реакцијата од ВМРО-ДПМНЕ.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април