ВМРО-ДПМНЕ: Проектот за изградба на новиот клинички центар блокиран
ВМРО-ДПМНЕ обвини дека новата Влада на СДСМ продолжува со политиката на блокирање, уривање и укинување на проектите кои владата на ВМРО-ДПМНЕ, како што се наведува, ги заврши или почна да ги реализира во предходниот мандат.
- Наместо да почне изградбата на новиот клинички центар „Мајка Тереза“ за кој беше и потпишан и договор за почеток на изградба со градежните компании, СДС и Заев измислувајќи разни изговори, решија овој капитален проект од витално значење за државата, да го блокираат и замрзнат, изјави денеска во кругот на Клиничкиот центар, Дафина Стојаноска од ВМРО-ДПМНЕ.
Посочи дека директно се блокира изградбата на капитален проект во македонското здравство со кој требаше да се подобри здравствената услуга, да се обезбедат подобри услови за работа на медицинскиот персонал и да се подобрат капацитетите на целокупниот здравствен систем во државата.
Според неа, министерот за здравство Арбен Таравари целата своја енергија ја троши на поставување на тријазични табли, но не и на конкретни проекти во здравството.
- Проектот за изградба на новиот клинички центар „Мајка Тереза“ финансиски беше подржан од Европската инвестициска банка при Советот на Европа и изготвен во соработка со меѓународните консултантски тимови од експерти од Шпанија, Германија и Грција. Секој обид на СДС да манипулира и да ја замајува јавноста за овој проект е оспорување на долгогодишна работа со нашите меѓународни партнери, додаде Стојаноска.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање