ВМРО-ДПМНЕ: Пратениците на СДСМ работат во политички маркетинг
Парламентарно мнозинство предводено од СДСМ го користи Собранието на Република Македонија единствено за политички маркетинг во пресрет на локалните избори, а не за решавање на реалните проблеми на граѓаните, реагираат од ВМРО-ДПМНЕ на барањата на пратеничката група на СДСМ партијата да ги поддржи законските решенија на Владата што се во собраниска процедура.
- СДСМ треба да разбере дека пратениците во Собранието на Република Македонија се избрани да работат во интерес на граѓаните, а не во интерес на партијата, се вели во реакцијата.
Од ВМРО-ДПМНЕ сметаат дека доколку Владата на СДСМ и нивното парламентарно мнозинство навистина се грижело за унапредување на квалитетот на животот на граѓаните, ќе ги прифатело предлог-законите кои ВМРО-ДПМНЕ ги поднела, како и амандманите кои што произлегуваат како барање на граѓаните, а не едногласно да ги одбие.
- Ако СДСМ и Зоран Заев навистина се грижеа за вработените, ќе им обезбедеа минимална плата од 16 000 денари, онака како што ветуваа пред изборите. Поради неспособноста и лагите на СДСМ, со поплитки џебови, ќе останат сите граѓани. Државната администрација нема да ги добие ветените 5 проценти покачување на плата, ниту пак пензионерите ќе добијат 5 проценти, покачување на пензиите, се вели во реакцијата.
Во неа се додава и дека наместо повеќе пари во семејните буџети, како што ветуваа имаме пад на просечната плата за 0,7 проценти, пад на странските директни инвестиции за 100 милиони евра и пад на индустриското производство за 2,2 проценти.
Ново на Сител
-
Медиуми: УЕФА ќе дозволи 26 фудбалери на ЕУРО2024
-
Тајланд сака да биде домаќин на трка во Формула 1
-
Маж во САД ги убил сопругата и трите деца по што се самоубил
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право