Македонија
23. January 2021 - 8:57

ВМРО-ДПМНЕ прашува дали функционери на СДСМ преку пари од тендери стекнуваат огромни имоти

Каевски да каже дали со пари од тендери тој и неговата фамилија се стекнале со огромен имот.

Додека Дарко Каевски директорувал и ја извршува функцијата пратеник фирмата на неговиот татко ГЕО КАЕВСКИ зема милионски тендери.

Само во период од три години, односно 2018, 2019 и 2020 ГЕО КАЕВСКИ од тендери инкасирала над 18 милиони денари, односно 300 илјади евра.

Во исто време според податоците од имотниот лист на Каевски гледаме дека тој се стекнал со стан во Скопје и дел од куќа. Податоците се јавно објавени на страната на ДКСК, а документот го прикачуваме во прилог.

Дали функционерите на СДСМ лапаат државни пари преку фирмите на нивните родители и блиски роднини?

И додека народот по цел живот се мачи да обезбеди сопствен дом функционерите на СДСМ и нивните фамилии вртат стотици илјади евра преку државни тендери.

Одговорност мора да има. Ја повикуваме ДКСК да ги испита случаите со стекнување на имот на Каевски и земањето тендери на фирмата на неговиот татко.

Центар за комуникации на ВМРО-ДПМНЕ