Македонија
25. January 2017 - 9:44

ВМРО-ДПМНЕ: Потврдени информациите за криминални активности на функционери на СДСМ

ВМРО-ДПМНЕ повикувајќи се на неодамна објавени документи од ЦИА денеска оцени дека се потврдиле информациите за криминални и коруптивни активности на поранешни функционери на СДСМ и порача дека за тоа мора да се одговара.

- Илјадниците документи на американската разузнувачка служба во врска со Балканот кои се појавија деновиве ја потврдуваат вмешаноста на СДСМ и нејзините највисоки функционери во нелегалниот шверц кон Србија во 90-те години на минатиот век. Тогашната власт од СДСМ земала мито за кршењето на ембаргото кон Србија, се наведува во соопштението од ВМРО-ДПМНЕ во кое се посочува и на имиња и активности на функционери од СДСМ.

ВМРО-ДПМНЕ оценува дека претседателот на СДСМ Зоран Заев нема да побара истрага за некогашните функционери, бидејќи сметаат оти не го интересира правдата, туку како таа да се избегне.

- Зоран Заев се опкружи со луѓе од негов ков - криминалци. Аболицираниот крииналец Заев нема да повика на истрага против своите некогашни функционери, бидејќи него не го интересира правдата, туку како таа да се избегне. Но, вистината е како шило - кога тогаш, си го наоѓа својот пат до јавноста. Сите криминалци од СДСМ мора да одговараат за своите злодела, стои во соопштението од ВМРО-ДПМНЕ.