ВМРО-ДПМНЕ: Парите од задолжувањата не се користат за капитални инвестиции

ВМРО-ДПМНЕ во денешното соопштение обвини дека Владата предводена од СДСМ не инвестира во капитални проекти, иако државата ја има задолжено со 344 милиони евра.

Од партијата посочуваат дека Владата ги троши овие пари за партиски вработувања, наместо да ги инвестира во здравството и медицинска опрема. 

- Додека ВМРО-ДПМНЕ инвестираше во капитални проекти, владата на СДС парите ги троши за партиски вработувања и исплата на долговите на Заев. ВМРО-ДПМНЕ целосно ја опреми болницата 8 Септември со најсовремена медицинска опрема со инвестиција од 5 милиони евра. Со парите кој СДС залудно ги потроши можеше да се опремат 69 болници како 8 Септември низ цела Македонија, се вели во соопштението.