ВМРО-ДПМНЕ: Одговорност мора да има за случајот со трите новороденчиња
Родителите на трите бебиња кои починаа на Клиниката за гинекологија и акушерство се гневни и бараат одговорност, истакна денеска на прес-конференција Марија Андоновска од ВМРО-ДПМНЕ.
Министерот за здравство и директорката на гинекологија, посочи таа, одлучија да го скријат скандалот и објавија за трагедијата дури откако за неа почна да се говори во јавноста, два дена откако се случила.
- Сите се загрижени што се случува на гинекологија и зошто овие информации се кријат од јавноста. ВМРО-ДПМНЕ предупредуваше дека СДС со брутална партизација на институциите и со поставувањето на некомпетентни партиски кадри државата ја турка во хаос, рече Андоновска.
Родителите на починатите дечиња, во изјави за медиуми велат дека имало и други случаи на Клиниката, но немаат информации од Министерството за здравство, рече Андоновска и додаде дека одговорност мора да има и ќе има.
- Јавноста е гневна бидејќи гледа дека приоритет за министерот Таравари е да се промовира себеси по социјални мрежи, наместо да се грижи за функционирањето на здравствениот систем. Граѓаните се преплашени, загрижени, стравуваат за своите животи и за животите на своите деца. Здравството е во хаос и ако кај одговорните во овој ресор има грам морал и доблест, ќе си поднесат оставка и ќе си заминат од оваа професија, истакна Андоновска.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка