ВМРО-ДПМНЕ: На Жерновски не му се важни граѓаните и нивните проблеми
Градоначалникот на Општина Центар Андреј Жерновски ја заборави својата предизборна програма и ветувањата содржани во неа. Во својот мандат безброј пати покажа и докажа дека не му се важни граѓаните и нивните реални потреби и проблеми. Жерновски ги изневери центарци, изјави денеска претседателот на ОК на ВМРО-ДПМНЕ Центар и советник во општина Центар Илија Илијовски.
Тој посочи дека додека Жерновски прави прескапи забави и боемски улици, граѓаните немаат училишта, градинки, реновирани и убави улици, паркинг место каде може да се паркираат.
- Во однос на колективното домување, Жерновски ветуваше дека во станбените згради ќе обезбеди редовен преглед и одржување на лифтовите и ќе набави противпожарни апарати во влезовите и надворешно осветлување, но никогаш од ова ништо не беше исполнето. Ветуваше и оформување општински совет за мал бизнис, формирање бизнис центри, оформување микро бизнис инкубатор, рече Илијовски.
Жерновски, како што рече, најавуваше и целосно уредување на дворовите за сите градинки, бесплатна чаша млеко или парче овошје за секој ученик. Додаде дека ветил 20 мини чешми низ цела општина, кои никогаш не биле поставени.
- Жерновски е прв во редот на градоначалниците кои не направиле ништо за својата општина и за своите граѓани и единствено ќе биде запамтен по Боемските улици и скапите диџеи. Граѓаните на општина Центар на следните локални избори ќе стават крај на ваквото расипничко однесување и неодговорно работење на Андреј Жерновски, истакна Илијовски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка