Македонија
13. April 2020 - 13:27

ВМРО-ДПМНЕ: Мерките за стопанството на Владата се несериозни, задоцнети и не се доволни

Неспособната влада на СДСМ планира да зема од сиромашните за да го покрива нивното расипништво.

На СДСМ не им е доволно што ги оставија граѓаните и компаниите на цедило во време на пандемија сега дополнително сакаат да удрат по празните џебови со покачување од 2 денари на акцизата.

Македонската економија е во колапс, а владата на СДСМ не презема ништо.

Мерките кои што ги презентираа за стопанството се несериозни, задоцнети и не се доволни, дури и не значат никаква помош, напротив само продлабочување на тешката ситуација во која се наоѓа Република Македонија.

Додека владата тврди дека ќе бидат поддржани дури 250.000 вработени или повеќе од 35.000 компании, во реалноста граѓаните се сведоци дека многу мал број на фирми аплицираат за мерките и веќе се започнати масовни отпуштања од страна на компаниите кои се соочуваат со проблеми на неликвидност.

Граѓаните со право се исплашени за себе и за животната егзистенција на своите семејства.

Со овие чекори СДСМ само докажува дека единствено се грижат за своите џебови, но не и за иднината на граѓаните.