ВМРО-ДПМНЕ: Криминалот, изнудите и насилството царуваат на улиците, а во МВР владее тотален хаос
„Додека СДСМ се обидува да ги потцени граѓаните и да ги убеди дека пајаци напаѓаат полициски службеници, младо момче е избодено со нож и се наоѓа во критична состојба, а насилникот е на слобода.
Криминалот, изнудите и насилството царуваат на улиците, а во МВР владее тотален хаос. Криминалците се амнестирани и се во коалиција со власта.
Економијата тоне, сиромаштијата и невработеноста се во пораст, парите на граѓаните наместо за капитални проекти одат во џебовите на функционерите на СДСМ, а Македонија е лидер во Корупција во светот.
Ова е резултатот на 9 месеци владеење на СДСМ и Зоран Заев.
Во срамен обид да се прикријат овие факти СДСМ врши политики прогон кон своите политички неистомисленици. Секој оној кој ќе го крене гласот против штетните политики на СДСМ и Заев треба да биде заплашен со монтиран случај од обвинителството на копче. Обвинителството е под целосна контрола на СДСМ и обвинува по наредба.
Дурловски, Илиевски, Јованоски, Дамовски, Чавков, Божиновска, Мукоски, Тарчуловски, Николовски, Пешевска и сите оние кои се наоѓаат во притвор не се терористи. Овие луѓе се патриоти кои го кренаа гласот против катастрофалните политики на СДСМ. Судот мора да го почитува законот, а притворот во никој случај не смее да биде користен за политички цели. Судиите мора да се ослободат од стегите на власта и да се вратат во служба на граѓаните.
Тортурата, стравот и насилството мора да запрат. Македонија мора повторно да стане демократска држава и да се врати владеењето на правото. Законите мора да важат за сите подеднакво и да запре политичкиот прогон“ се вели во соопштението на ВМРО-ДПМНЕ.
Ново на Сител
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи