-->
-->
ВМРО-ДПМНЕ ја напушти лидерската средба: Власта се однесува непродуктивно и девијантно
-->
Претседателот на ВМРО-ДПМНЕ Христијан Мицкоски по нешто повеќе од еден час присуство, ја напушти лидерската средба која се одржува во Клубот на пратениците. Во својата изјава тој испрати порака и до премиерот Зоран Заев.
-ВМРО-ДПМНЕ беше дел од таканаречената средба овде во Клубот на пратеници, заедно со претседателите на повеќе политички партии. Навистина за нас не беше јасен концептот зошто сите политички парламентарни партии не се застапени на овој состанок и добивме објаснување кое навистина не можевме да го прифатиме во стилот во кој ни беше објаснето, истакна Мицкоски.
Претседателот на партијата истакна дека како партија изразиле сериозен револт и негодување на, како што рече, девијанстното однесување на владини претставници и парламентарното мнозинство во текот на вчерашниот ден.
-На неделовнички начин, на начин кој досега не беше пракса во политичкиот живот во Република Македонија се усвои потребата од промена на Изборниот законик без поддршка на најголемата опозициона партија, а се со цел да се намали бројот на потребни пратеници кога се усвојува составот на ДИК од 81 на 61 пратеник. Ние како ВМРО-ДПМНЕ изразивме револт по ваквото однесување, ги кажавме причините поради кои го напуштаме овој состанок на парламентарните политички партии кои беа поканети, им се извинуваме во наше име на сите парламентарни партии кои не беа дел од овој состанок, навистина не бевме во можност да делуваме и во нивно име протестираме, нагласи Мицкоски.
Тој го повика претседателот на Владата, Зоран Заев во најскоро време, во текот на утрешниот ден, не подоцна од понеделник да организира лидерска средба во формат кој не би надминал повеќе од четворица.
-Како што беше праксата и до сега, односно најголемата политичка партија која ја сочинува владата, најголемата политичка партија на Албанците во Република Македонија која е коалиционен партнер во владата, најголемата опозициона партија, во случајот тоа е ВМРО-ДПМНЕ и најголемата опозициона партија на Албанците во Република Македонија да седнеме, да разговараме отворено за сите оние отворени прашања кои му претходат на формирањето на новиот состав на ДИК, па дури потоа да дискутираме за формирањето на новиот состав на Комисијата, вели Мицкоски кој изрази надеж дека ќе преовладува разумот и мудроста кај владата.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово