ВМРО-ДПМНЕ: Деструктивното однесување на СДСМ кулминираше со обидот за атентат на Тодоров
Деструктивното однесување на СДС кулминираше вчера со обидот за атентат врз поранешниот министер за здравство и член на извршниот комитет на ВМРО-ДПМНЕ, Никола Тодоров. СДС и невладините организации под контрола на Сорос три години организирано шират хистерија која треба да резултира со крв и насилство.
Ова денеска на прес-конференција го истакна Невенка Стаменковска од ВМРО-ДПМНЕ.
- На пролевање крв по улици, повикуваше и еден од министрите во новата Влада, во стилот на Зоран Заев кој најави дека ќе се пука. Ваквото насилничко однесување кое треба да испровоцира сериозни конфликти го видовме и на 27-ми април при обидот нелегално да се избере претседател на Собранието. СДС тогаш ги погази Уставот и Законот за Собрание и Деловникот за работа на Собранието. СДС тогаш го погази најсветото демократско право и на пратениците им ја одзеде можноста за дискусија, рече Стаменковска.
Истакна и дека ВМРО-ДПМНЕ нема да го коментира пренесувањето на предметите поврзани со 27 април од Основното јавно обвинителство во Обвинителството за гонење организиран криминал, но, како што рече, нема да одмолчи политички мотивирано и непринципиелно постапување.
- ВМРО-ДПМНЕ апелира Јавното обвинителство да не потклекнува на притисоците и да се држи до законот и професионалното и непристрасно постапување. Обвинителството не смее да се претвори во одделение на СДС за водење на политички хајки. Власта не е еднаш за секогаш дадена и за секое пречекорување на овластувањата и законите ќе има одговорност, рече Стаменковска.
Според неа, обидите на СДСМ и медиумите под нивна контрола да имплицираат некаква одговорност на пратениците на ВМРО-ДПМНЕ не е ништо друго освен политичка пресметка, обид за манипулација и обид за прикривање на одговорноста за политичкото насилство кое претходеше на физичкото.
- Лудилото стимулирано од СДС и Заев во кое се оцрнуваат невини луѓе, се прават хајки и се врши линч мора да престане. Градењето на таква перцепција нема да ги амнестира од одговорност за нивните криминали кои не застаруваат, нагласи Стаменковска.
Ново на Сител
-
Информативен ден на НАТО програмата „наука за мир и безбедност“
-
Мисија на УНЕСКО во Охрид
-
Преглед на вестите од светот
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес