Власта и опозицијата во нов обид да се договорат за идниот статус на СЈО
Во Министерството за правда попладнево се одржува нова средба на работните групи на Владата и опозициската ВМРО-ДПМНЕ во обид да се постигне договор за законот за јавно обвинителство, со кој треба да се реши идниот статус на Специјалното јавно обвинителство.
Владината работна група ја предводи министерката Рената Дескоска, а на ВМРО-ДПМНЕ пратеникот Антонио Милошоски и адвокатот Тони Менкиновски.
На последната средба што беше одржана завчера во Министерството за правда немаше никакво поместување во делот на разговорите.
-Немавме никакво поместување во делот на разговорите. Разговаравме за членот 105, кој е клучната пречка во донесувањето на законот, а тоа е околу продолжувањето на постапките и користењето на доказите кои се собрани досега. Се договоривме ВМРО-ДПМНЕ да направат одредени дополнитени консултации и се договоривме наредбата средба да биде в петок, да видиме по тие консултации каде ќе можеме да најдеме заеднички став, изјави по завчерашната среба министерката за правда Рената Дескоска.
Според министерката за правда, веќе се кристализира дека СЈО ќе биде посебен орган, но тоа прашање, како што рече, целосно не е затворено, бидејќи сè уште се во фаза на постигнување договор.
Претставникот на опозицијата во преговорите Тони Менкиновски по средбата изјави дека ВМРО-ДПМНЕ не отстапува од принципот на владеењето на право што е преточено во амандманите.
Според него, мандатот на СЈО е јасно дефиниран во законот, 18 месеци од добивањето на нелегално стекнатите прислушувани разговори.
Договорот за законот за јавно обвинителство е еден од условите за добивање позитивен извештај на Европската комисија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка