Владина седница за поплавите во Тетово
Владата за денеска закажа седница на која ќе бидат разгледани состојбите по поплавите што ги предизвикаа вчерашните обилни врнежи во Тетово.
Како што соопшти доцна синоќа премиерот Никола Груевски кој итно го посети Тетово, ќе се утврдуваат натамошните активности, но најпрво помошта за населението и субјектите.
Според првичните проценки, штетите од поплавите се најголеми во Шипковица. Сосотојбата е лоша и во Голема Речица каде дошло до излевање на реката од надојдените води, а има и информации за жртви.
- Ја посетивме и тетовската болница каде од директорот бевме информирани дека тука биле донесени две починати лица, како и девет повредени, од кои едно е испратено во Скопје поради тежината на повредите и едно е задржано за лекување тука. Жалам што се случи ова, но максимално се ангажирани сите инстутуции и на централно и на локално ниво да им се помогне на луѓето во погодените места, истакна премиерот Груевски откако направи увид директно на терен и поразговара со надлежните и граѓаните.
Груевски во Тетово беше придружуван од вицепремиерот Владимир Пешевски, министрите за одбрана и МВР Зоран Јолевски и Митко Чавков, како и државниот секретар за транспорт и врски Божидар Петроски кој повика компании од Скопје со кои Владата има склучено договор за вакви ситуации.
На испомoш доаѓаат и оние фирми кои Владата ги има ангажирано за овој регион.
Ново на Сител
-
Муцунски: Централниот комитет на ВМРО-ДПМНЕ ги усвои победнички листи за парламентарните избори
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место