Владата на Малезија предлага 10 години затвор за ширење лажни вести
- Премиерот на Малезија Наџиб Разак денеска во Парламентот поднесе предлог-закон со кој објавувањето „лажни вести“ се смета за незаконско.
Во предлог-законот се предвидува казна и до 10 години затвор за ширење неточни информации, што предизвика стравување дека ќе биде нарушена медиумската слобода во земјата.
Борците за човекови права стравуваат дека целта на законската иницијатива е да се криминализираат новинарските написи за евентуални прекршоци на функционерите.
Со нацрт-законот како лажни вести се оквалификуваат сите „вести, информации, податоци и соопштенија кои се целосно или делумно неточни, независно дали станува збор за новинарски написи, видео-материјали или аудио-записи“. Таквите дела ќе се казнуваат со 10 години затвор, 129.000 долари или и двете казни.
Според владини претставници, опозицијата ги користи „лажните вести“ како оружје за добивање гласови.
И други јужноазиски држави, меѓу кои и Филипини и Сингапур, исто така предложија предлог-закони за борба против „лажните вести“.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка