Владата ќе разгледа информација за Рамковниот договор, извештаи на ЈП и кадровски прашања
Владата на Република Македонија денеска попладне ќе ја одржи осумнесеттата седница на која на дневен ред се извештаи за активности на јавни и државни претпријатија, договори за соработка со БиХ и Косово, како и некои кадровски прашања
На денешната седница Владата, како што информира владината прес-служба, ќе разгледа и констатира состојби за напредок на земјата во процесот на европска интеграција, користење и имплементација на ЕУ фондовите и статусот на реализација на приоритетите на Република Македонија за влез во НАТО, а ќе ја разгледа и информацијата за имплементацијата на Рамковниот договор.
Владата на Република Македонија ќе разгледа и ќе донесе повеќе одлуки во однос на извештаи од работата на повеќе јавни државни претпријатија и агенции.
На денешниот дневен ред пред министрите ќе се најде и Предлог - законот за ратификација на Спогодба за соработка помеѓу Владата на Република Македонија и Советот на министрите на Босна и Херцеговина во процесот на пристапување во Европската Унија.
Ќе биде разгледан и Извештајот за завршените преговори за потпишување на Протокол меѓу Владата на Република Македонија и Владата на Република Косово за начинот на изработка на урбанистичко-планска и соодветна техничка документација, поделба на режимски трошоци и заеднички трошоци за одржување на заедничкиот објект, како и вршење на граничната контрола на заедничкиот граничен премин помеѓу двете земји наменет за меѓународен сообраќај „Белановце - Станчиќ“.
На дневниот ред на денешната седница се очекува министрите да го разгледаат и предлог - законот за изменување и дополнување на Законот за социјална заштита по скратена постапка на предлог на Министерството за труд и социјална политика.
На дневен ред пред министрите ќе се најдат и неколку предлози за кадровски решенија, а исто така ќе бидат разгледани и дополнителни предлози и прашања во интерес на граѓаните
Ново на Сител
-
Тошковски: Мирен изборен ден
-
Преглед на вести од светот
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот