Македонија
4. August 2017 - 18:46

Владата ќе ја одржи 20. седница

Владата на Република Македонија вечер со почеток во 19 часот ќе ја одржи 20. седница на чиј дневен се повеќе прашања од интерес на граѓаните. 

Владата ќе разгледа повеќе информации и ќе донесе одлуки за работењето на Јавното претпријатие Македонски Железници –Инфраструктура, како и за Македонски железници Транспорт АД – Скопје.

На седницата, како што соопшти владината прес-служба, ќе биде разгледан Извештајот за завршени преговори за потпишување на Протокол меѓу Владата на Република Македонија и Владата на Република Косово за заедничкиот граничен премин меѓу Република Македонија и Република Косово наменет за меѓународен патен сообраќај „Белановце-Станчиќ“.

На дневен ред на седницата се и некои дополнителни точки од надлежност на Владата на Република Македонија.