Владата денеска ќе ја одржи редовната 47-ма седница
Владата на Република Македонија денеска ќе ја одржи редовната 47-ма седница со повеќе точки на дневниот ред од својата програма за работа и од интерес на граѓаните.
На предлог на Министерството за труд и социјална политика, на денешната седница пред министрите ќе се најде Информацијата за Проектот „Зајакнување на националните и локалните системи за поддршка на ефективната социоекономска интеграција на (Ромите) повратници од Западен Балкан“.
Целта на Проектот е унапредување на капацитетот на западнобалканските земји на централно и локално ниво за спроведување сеопфатни модели за реинтеграција на повратниците и предвидува поопширна агенда за социјална инклузија и надминување на изворните причини и фактори за миграција на Ромите и ранливите популации.
На денешната седница, меѓу другото, на дневен ред е и Предлог-програмата за рамномерен регионален развој за 2021 година, поднесена од Министерството за локална самоуправа, со која се уредува распределбата на средствата за поттикнување рамномерен регионален развој на Република Македонија, утврдени во Буџетот за оваа година.
Редовната 47-ма седница на Владата, која ќе се одржи преку видеоконференциска интернет врска, е предвидено да започне во 12:00 часот.
За донесените одлуки и заклучоци јавноста ќе биде известена преку соопштение веднаш штом ќе биде завршена.
Ново на Сител
-
Руски воени бродови впловија во Црвено Море
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај