Фудбал
27. October 2017 - 16:58

Висока функција за Ѓорѓиоски во ФИФА

Светската фудбалска федерација (ФИФА) на состанокот во Колката, Индија, именуваше неколку важни позиции за Светското првенство во Русија 2018, но и за иднината на мундијалите, а висока позиција доби и претседателот на Фудбалската федерација на Македонија (ФФМ), Илчо Ѓорѓиоски.
 
Стратешкото тело на ФИФА одобри зголемување на наградниот фонд за СП во Русија на 400 милиони долари, зголемување од 12 отсто од наградниот фонд за 2014, а исто така ги назначи членовите на извршното тело за кандидирање на следните првенства.
 
Оваа група ќе биде сочинета од претседателите за ревизија на ФИФА (Томаж Весел) и комитетот на управување (Мукул Мугдал), а претседателот на ФФМ, Ѓорѓиоски, ќе биде член на Организациониот комитет за натпреварувања, заедно со експертите од администрацијата, заменик-генералниот секретар Звонимир Бобан и генралниот за администрација, Марко Вилигер.