Македонија
20. February 2016 - 20:38

Вишиот управен суд одлучи за смените во МВР и МТСП, но за СДСМ не важат ниту судови ниту закони

Една недела откако Управниот Суд ги отфрли жалбите на Оливер Спасовски и Фросина Ременски– техничките министри од СДСМ не ја извршуваат судската одлука.

Експертската јавност коментира дека Социјалдемократите се однесуваат како за нив да не важи законот. Па иако времените мерки подразбираат итно извршување, министрите на СДСМ одбиваат да ги вратат функционерите кои ги разрешија.

Според правната фела, оправдувањето кое го даваат техничките министри на СДСМ, дека врмеената мерка значи задржување на моменталната ситуација не само што не држат вода туку се и апсурдни. Според нив, оваа мерка значи итно враќање на функционерите кои биле разрешени. Апсурдот се зголемува и со тоа што техничките министри на СДСМ поднесоа жалба на сите решенија на Управниот суд, се поставува прашањето зошто би се жалеле доколку пресудите се во нивна полза?

До сега судот одреди времена мерка за 41 одлука на техничките министри од СДСМ, по тужбите на нивните заменици Митко Чавков и Диме Спасов.

Според дополнителниот заменик министер за внатрешни работи Митко Чавков, техничкиот министер Спасовски работи на интензивна партизација на министерството.

Согласно законот доколку Спасовски и Ременски не ги извршуваат одлуките на Судот им се заканува казна затвор до 10 години.