Винона Рајдер потврди дека ќе има продолжение на „Битлџус“
Актерката Винона Рајдер потврди дека ќе биде снимено долгоочекуваното продoлжение на култниoт филм на Тим Бартон, „Битлџус“.
- Мислам дека тоа можам да го потврдам, рече таа во емисијата на Сет Мерес на прашањето дали ќе има продолжение. - Тоа е голема тајна, но Тим во текот на промоцијата на филмот „Големи Очи“, рече дека продолжение ќе има и дека јас ќе играм во него, изјави Винона.
Рајдер во оригиналот филм играше со Мајкл Китон, Алек Болдвин и Џин Дејвис, а Бартон во текот на промоцијата „Големи очи“ минатата година изјави дека се работи на продолжение на „Битлџус“ и дека Китон и Рајдер најверојатно ќе ги репризираат нивните улоги.
Во филмот од 1988 година, Болдвин и Дејвис играат брачна двојка духови кои шетаат по куќата, а Китон го игра Битлџус, дух кој се обидува да ги уплаши новите станари во куќата. Винона Рајдер ја играше ќерката на новите станари Лидија.
Филмот доби Оскар за шминка, заработи пет пати повеќе од буџетот од 15 милиони долари и беше преточен во анимирана серија која ја продуцираше Бартон.
Бартон на сајтот Coming Soon објави дека Битлџус е лик кој многу го сака и кој му недостасува.
- Поточно, ми недостасува работата со Мајкл. Постои само еден Битлџус. Работиме на сценариото и мислам дека сме при крајот како никогаш порано и би сакал повторно да работам со него, додаде Бартон.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка