Тенис
4. July 2016 - 20:52

Вимблдон: Комплетирано осминафиналето кај жените

Сестрите Серена и Венус Вилијамс успеаја да се пласираат во четвртфиналето на Вимблдон откако попладнево ги победија своите ривалки со 2-0 во сетови. Серена беше подобра од Светлана Кузљевова со 7.5 и 6:0 во сетови, додека Венус ја совлада Карла Суарез-Наваро со 7:6 (7:3) и 6:4.
Пласман во следната рунда обезбеди Симона Халеп со победата над Медисон Кејс со 2-1 во сетови (6:7 (5:7); 6:4 и 6:3), а во дуелот на руските тенисерки поуспешна беше Елена Веснина која со 2-1 во сетови (5:7; 6:1 и 9:7) ја совлада Екатерина Макарова.
 
Претходно пласман изборија: Анастасија Павличенкова, Доминика Цибулкова, Анжелик Кербер и Јарослава Шведова.
 
Двојките во четвртфиналето кое се игра утре се:
Серена Вилијамс – Павличенкова,
Цибулкова – Веснина,
Халеп – Кербер и
Венус Вилијамс – Шведова.