Тенис
7. July 2016 - 18:19

Вимблдон: Кербер - Серена Вилијамс во финалето

Шампионката на „Австралија Опен“ Анжелик Кербер се избори за финалето на Вимблдон откако во второто полуфинале ја победи Венус Вилијамс и за трофејот ќе игра против помладата од сестрите Вилијмс (Серена). Кербер во поинтересното полуфинале ја победи Венис Вилијамс со 6:4 и 6:4 во гемови. Ова за Кербер од Германија ќе биде прво финале на Вимблдон.
Серена Вилијамс која ја брани титулата на Вимблдон во првото полуфинале без многу проблеми ја совлада Елена Веснина со 2-0 во сетови и на противничката и препушти само два гема (6:2 и 6:0). Таа се избори за своето 9.то финале,а шестпати била победничка.
Утре на Вимблдон се играат машките полуфинални мечеви: Рожер Федерер – Милош Раониќ и Енди Мареј – Томаш Бердих.