Викендов авионско прскање против комарци во Скопје

Во раните утрински часови во сабота и во недела (5-ти и 6 август) ќе се врши авионска дезинсекција против возрасни форми на комарци на подрачјето на градот Скопје. 

Терестричната дезинсекција на подрачјето на Град Скопје против возрасни форми на комарци, пак, ќе се одвива од недела до четврток (6-10 август)  во период од 23 до 4 часот наредниот ден.

Град Скопје соопшти дека ако не дозволуваат временските услови,  авионската дезинсекција ќе се изврши првиот нареден ден кога временските услови ќе бидат поволни, во истиот термин, а согласно на тоа ќе се извршува и терестричната дезинсекција.

Оттаму апелираат и до пчеларите навремено да ги преземат потребните мерки за заштита на пчелите.