Македонија
17. July 2017 - 13:14

Викендот се претвори во крвава драма во Прилеп

 
Вистинска драма се одвивала во Паркот кај Могилата на непобедените во Прилеп, викендов во 12 часот, кога 46-годишниот Т.С. од Прилеп со семејството отишол да кампува. Полицијата денеска информира дека на Т.С. му пришле две непознати лица, прашувајќи го за некои девојки, а потоа влегле во соседниот шатор, каде започнале расправија со лицето што било во него и две девојки.
 
Откако Т.С. влегол внатре да ги смири, непознатите лица заминале. По околу десетина минути, лицата се вратиле заедно со група од околу 20-30 лица и почнале да удираат по возилата со раце и шипки, а потоа го нападнале  него, неговиот син и пријателот, нанесувајќи им видливи повреди. 
 
Полициска станица Прилеп презема мерки за пронаоѓање на сторителите и расчистување на настанот.