Живот
11. July 2020 - 12:11

Видео играта Супер Марио од 1985 година продадена на аукција за 114.000 долари

Неотворен примерок од видео играта „Супер Марио Брос“ од 1985 година вчера е продаден на аукција во САД за рекордни 114.000 долари.

Досега најскапо платена видео игра беше јапонската верзија на „Мега ман“ од 1987 година, за која беа платени 75.000 долари.

Јапонската компанија Нинтендо ја претстави играта Супер Марио Брос во 1985 година, за подоцна главниот јунак Марио да еволуира во 3Д икона на видео игрите, а снимени се и телевизиски серии и филм со него.