Вицепремиерот Попоски во работна посета на Берлин

Вицепремиерот и министер за надворешни работи Никола Попоски денеска и утре ќе оствари работни средби со претставници на германската федерална влада, јави дописникот на МИА од Берлин, Сојузна Република Германија.

На покана на шефот на германската дипломатија Франк Валтер Штајнмаер, Попоски во Берлин ќе учествува на утрешниот министерски состанок на Организацијата за безбедност и соработка во Европа (ОБСЕ).

Се очекува во текот на денешниот ден вицепремиерот и министер за надворешни работи Попоски да има интензивни контакти со високи претставници на германската влада со цел придлабочување на политичката и економската соработка меѓу двете земји.