Ветер од 90 километри на час во Пелагонија и Штипско
Засилен јужен ветер со брзина од околу 90 километри на час ги зафати денеска Пелагонија и Штипско, соопшти УХМР.
Во западните и северните делови од Македонија е облачно со врнежи дожд кои на повеќе места беа обилни. До 13 часот наврнаа 34 литри на метар квадратен во Маврово, 28 во Пожаране, 26 во Лазарополе, 22 во Скопје (Зајчев Рид) и Тетово, 19 во Куманово, 17 во Дебар, 10 во Скопје (Петровец), 6 во Ѓуриште, 4 во Крива Паланка, два во Охрид и Прилеп. Имаше и појава на грмежи, најпрво во западните делови, а во текот на денот се преместија кон север и североисток.
Во јужните делови се задржа променливо облачно и топло време со засилен јужен ветер.
Облачно време со повремен дожд, грмежи и засилен ветер ќе преовладува до крајот на денот и во текот на ноќта. Пообилни врнежи ќе има во западните и северните делови од земјата.
Утре времето ќе биде променливо облачно, со повремени врнежи дожд со променлив интензитет. На места врнежите ќе бидат поројни проследени со грмежи и засилен ветер, во форма на невреме и со услови за изолирана појава на град. Нестабилноста ќе биде позастапена во источната половина на земјава. Се очекува локално да наврнат околу 30 литри на метар квадратен.
Во Скопје до крајот на денот и утре ќе преовладува облачно време со врнежи од дожд, кои повремено ќе бидат поројни и проследени со грмежи.
Во четврток врнежите ќе бидат со слаб интензитет, а на повисоките планини ќе преминат во снег. Променливо облачно и врнежливо ќе се задржи и во наредните денови, а температурата ќе биде во опаѓање.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација