Весељи: Косовската војска ќе биде наскоро формирана
Претседателот на косовското собрание Кадри Весељи денеска изнесе тврдење дека косовската војска ќе биде наскоро формирана. Тој оценува дека е важно да се инвестира во вооружените сили и тоа во соработка со меѓународната заедница, јавија приштинските медиуми.
- Процесот на одлучување во Собранието за трансформација не е толку важен колку што е важно инвестирањето во вооружените сили, со цел да се снабдат со потребното оружје, а тоа е можно само со соработка со меѓународната заедница, истакна Весељи, пренесува Танјуг.
Претседателот на косовското собрание наведе дека косовските власти ќе ги преземат сите институционални акции во партнерството.
- За тоа зборував и во Пентагон, косовската војска е реалност што набрзо ќе биде реализирана, нагласи Весељи.
Тој даде коментар и за пограничната демаркација со Црна Гора и Заедницата на српските општини, потенцирајќи дека тоа се „многу важни процеси“ за Косово.
Весељи исто така го поздрави отстранувањето на ѕидот во северна Митровица, порачувајќи до сите граѓани дека повеќе нема да има ѕидови во Косово.
Ново на Сител
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени