Весели: Столтенберг треба да е загрижен за руските бази во Србија, не за косовската војска
Претседателот на косовското Собрание, Кадри Весели му порача на генералниот секретар на НАТО Јенс Столтенберг дека не треба да го загрижува формирањето на војската на Косово, која е партнер на Алијансата, туку руските воени бази во Србија, јави дописникот на МИА од Приштина.
Весели во интервју за Гласот на Америка на албански јазик нагласи дека Приштина за трансформација на Безбедносните сили (ФСК) во војска на Косово има целосна поддршка од Соединетите Американски Држави.
– Нашата војска е војска на партнерство, не војска која ги загрозува соседите. Столтенберг повеќе треба да биде загрижен поради руските бази во Србија, во Ниш, отколку за силите кои се во партнерство со НАТО, кои се тесно поврзани со САД и членките на Алијансата, изјави Весели.
Пакетот закони со кои ФСК практично прераснуваат во војска на Косово ги помина законските процедури и задутре, 14 декември, се очекува да бидат изгласани во косовското Собрание. Трансформацијата ја поддржуваат сите албански и други несрпски партии во Собранието, а категорично се спротивставува партијата на косовските Срби, Српската листа.
Генералниот секретар на НАТО Столтенберг изјави дека повеќе сојузници во Алијансата се загрижени поради формирањето на војската на Косово и оцени дека постапката на Приштина е избрзана.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок