Вес Мичел денеска во Атина
Американскиот помошник државен секретар за Европа и Евроазија Вес Мичел, денеска е во Атина на средби со грчки владини преставници.
Според најавата од Стејт демартментот, Мичел со грчките власти ќе разговара за продлабочување на односите меѓу САД и Грција, зајакнување на билатералата соработка, особено во областите на одбраната, енергетиката, трговијата и инвестициите. Иако нема формална потврда, се очекува да стане збор и за спорот за името меѓу Атина и Скопје.
Како што јави дописникот на МИА од Атина, официјално не се најавени средбите на Мичел во грчката престолнина и веројатно сите разговори ќе бидат затворени за медиумите. Американскиот помошник државен секретар, според она што засега постои како официјална информација, ќе има средби со функционери од грчката Влада, но не и со премиерот Алексис Ципрас или министерот за надворешни работи Никос Коѕијас.
Мичел во Атина ќе биде неколку часа, со оглед на тоа што денеска во 15.30 часот, има закажано средба на Кипар со лидерот на кипарските Турци, Мустафа Акинџи.
Посетата на Мичел на Атина е дел од неговата регионална турнеја, прва од преземањето на функцијата, во рамки на која завчера ја посети и Македонија. Од Скопје тој порача дека дека САД ги поддржуваат Македонија и Грција во напорите да најдат заедничко решение за прашањето за името.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово