Вербална расправија доведе до крвопролевање во Тетово

Вчера во 22,30 часот во Секторот за внатрешни работи Тетово, Ф.И.(19) и Х.И.(19) и двајцата од Тетово пријавиле дека истиот ден околу 19,20 часот додека со својот пријател Б.Б. од с.Вешала се движеле на улицата “Маршал Тито‘‘ биле пресретнати од страна на Џ.С.(27) од с.Слатино кој бил заедно со уште неколку други лица и започнале вербална расправија.

Џ.С. извадил метален предмет и го нападнал Б.Б.. Потоа и останатите лица физички ги нападнале Ф.И.,Х.И. и Б.Б., по што го напуштиле местото на настанот.

Б.Б. бил пренесен во Клиничката болница во Тетово.

Веднаш се преземени соодветни мерки и активности и Џ.С. бил пронајден и приведен во полициска станица. Се преземаат мерки за целосно расчистување на случајот.