Венус Вилијамс ја елиминира Азаренка на турнирот во Н.Зеланд
Венус Вилијамс ја доби пресметката со Викторија Азаренка на АСБ Класик турнирот во Оукленд, Нов Зеланд, победувајќи во три сета со 6:3/1:6/6:3 во најголемиот меч од првото коло во историјата на турнирот.
Во дуел на две тенисерки кои заедно имаат 9 гренд слем титули, секој поен беше важен и во 2 часа и 10 минути игра, за на крај повеќе сила и нерви да има 38-годишната Американка. Во одлучувачкиот сет имаше по два брејка за двете тенисерки во првите шест гема, пред Вилијамс да се одвои за 6:3.
„Ја сакам мојата работа и тоа што ми е цел, но ова беше едно од најтешките први кола во мојата кариера. Целта беше да се помине првото коло, но потребни се вакви мечеви пред Австралија опен“, вели Вилијамс.
Актуелната шампионка Јулија Гергес со 6:0/6:4 ја победи Швеѓанката Јохана Ларсон, додека петтата носителка, Барбора Стрицова по маратонски три сета со 6:2/6:7(5)/6:3 ја победи Американката Тејлор Таунзенд. Прва носителка на турнирот е Каролине Вознијацки.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка