-->
-->
Венизелос: Со неотпочнувањето на преговори со ЕУ, доцни „ерга омнес“ употребата на името
-->
Неотпочнувањето пристапни преговори со Северна Македонија повлекува доцнење на вистинската внатрешна употреба на сложеното име, изјави поранешниот лидер на Сегрчкото социјалистичко движење (ПАСОК), Евангелос Венизелос, кој во минатото беше вицепремиер, министер во повеќе влади, но и шеф на грчката дипломатија, анализирајќи ги последиците по Грција од ветото во ЕУ за старт на преговорите со земјава.
– Одбивањето на Европскиот совет за започнување пристапни преговори, мислам дека влијае негативно за Грција во однос на рамнотежата на Договорот од Преспа. Во член 1 параграф 10 од Договорот предвидено е дека политичкиот преоден период за употребата на сложеното име во документите што се издаваат во внатрешноста на договорната страна зависи од отворањето на поглавјата во пристапните преговори. Според тоа, неотпочнувањето пристапни преговори повлекува доцнење на вистинската внатрешна употреба на сложеното име, односно доцнење во однос на „ерга омнес“ употребата на името, објаснува Венизелос.
Како што јави дописничката на МИА од Атина, поранешниот претседател на ПАСОК коментира дека исходот од Самитот на ЕУ е проблематичен, оценувајќи дека внатрешно политичките интереси ја одредиле позицијата на Франција.
– Грција ја интересира политичката стабилност во двете соседни земји, но и на целиот Западен Балкан, како и политичкиот кредибилитет на ЕУ во регионот за да може да се врши ефективен притисок преку контролите што произлегуваат од отворањето на поглавјата на пристапните преговори. Тоа е процес кој е постепен и долг. Од овој аспект, последната разврска на Европскиот совет е многу проблематична, истакнува Венизелос.
-->
-->
-->
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица