Фудбал
24. December 2015 - 19:20

Венгер: Новиот клуб треба да се држи во тајност

Јавна тајна е доаѓањето на  Пеп Гвардиола на клупата на Манчестер Сити за рекордна сума пари, но според легендарниот менаџер на Арсенал, Арсен Венгер тренерите прават грешки кога пред завршувањето на сезоната го објавуваат името на новиот клуб или дека заминуваат од клубот. 
 
Венгер смета дека не е добро што Пеп Гвардиола  уште отсега објавил дека нема да остане во редовите на Баерн Минхен.
 
– Лично не ми се допаѓа тоа што дел од тренерите објавуваат многу рано што ќе прават следната сезона. Тоа воопшто не е добро за нивните актуелни екипи како и за шпекулациите за менаџерите кои се во тешка ситуација, – изјавил Венгер.
 
– Гвардиола е врвен тренер и тоа никој не може да го оспори. Не толку поради бројката на освоени титули, затоа што и Баерн и Барселона победуваа пред и по неговото доаѓање, туку поради односот, сфаќањата и фактот што секогаш сака неговиот тим да игра позитивен фудбал. Тоа го почитувам, – вели менаџерот на Арсенал.