Венгер не го дава Жиру

Менаџерот на Арсенал, Арсен Венгер, ја отфрли можноста да ги продава своите играчи на ривалите во Премиер лигата.

 

Напаѓачот Оливие Жиру е трансфер цел на два тима, Вест Хем и Евертон, кој веќе потроши близу 100 милиони фунти на засилувања.

 

„Тој го продолжи договорот минатата година. Има голем придонес за нашиот тим и мислам дека тој навива за Арсенал. Секогаш сакал да остане“, рекол Венгер.

 

Менаџерот на Арсенал го потврдил интересот за играчот на Монако, Тома Лемар и изразил надеж дека Алексис Санчез ќе остане во клубот.

 

„Играчите имаат договорои и ние ќе го почитуваме тоа. Тоа е она што ние го сакаме. Минатата сезона реков дека тоа ќе биде наша политика, односно нема да продаваме фудбалери во други екипи од Премиер лигата. Никој не може да знае дали Алексис ќе биде тука до крајот на наредната сезона бидејќи тој може да го продолжи договорот со нас на почетокот или во текот на сезоната“, дополни Венгер.

 

Инаку, Арсенал, во тековната сезона првпат по 19 години нема да настапи во Лигата на шампионите, тимот до северен Лондон ќе игра во Лига Европа.