Велигденски концерт во Центарот за култура во Куманово
Во Центарот за култура „Трајко Прокопиев“ во Куманово вечерва ќе се одржи Велигденски концерт.
Директорот на Центарот за култура Сашо Костовски денеска изјави дека почетокот на концертот е во 20 часот и оти влезот е слободен.
- Оваа година идејата ни беше да ги почестиме нашите сограѓани, публика која не следи во сите програмски активности и заедно со нашите медиумски партнери, телевизиите „К3“ и „Плус“ и радио „Бум“ организираме велигденски концерт за кој се надеваме дека ќе стане традиционален, изјави Костовски.
На концертот публиката ќе има можност да ужива во различен вид музика наменета за сите генерации, а ќе настапат пејачи и групи од Куманово, како и танцови клубови и матични форми кои функционираат во рамки на Центарот за култура.
- Се надеваме дека интересот ќе биде голем, бидејќи не е многу често да се видат кумановските пејачи и групи собрани на едно место, рече Костовски.
На концертот ќе настапат Мартинијан Кириловски, Ивона Јовановиќ, Милена Митковска, Маргица Антеска ,Александар Богдановски, Боби Серафимовски, Мартија Станојковиќ и Боби Амадеус придружувани од групата „Милениум“, „Мак денс“, „Ултра“ „Динамик“ и културно уметничко друштво „Срма“ и „Нема љутиш“.
Ново на Сител
-
Мачка се држи за рачка на врата од автомобил во поплавите во Дубаи | ВИДЕО
-
За викендот дожд и грмежи, а на планините снег
-
Над 3000 вработени во културата оставени без плата
-
Србија: Приведени четворица припадници на косовската полиција
-
СПМ: Пендаровски секогаш бара вина кај другите
-
Османи: Петмина косовски полицајци се држат во заложништво во Србија
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција