Македонија
2. November 2018 - 10:57

Велес ќе добие Туристичко информативно биро

Туристичко информативно биро ќе биде отворено во Велес, во рамки на проектот „Смарт лејк Младост“, што го финансира Светската Банка.

Градоначалникот на Велес, Аце Коцевски истакна дека проектот за отворање на Туристичко информативно биро треба да заврши до иднатата година.

-Значи брзо ќе се одвиваат работите, а еден дел од парите во висина од 10 проценти треба да биде наше учество.Тоа значи дека во буџетот за следната година треба да резервираме сериозни финансиски средства за овој проект, најави Коцевски.

Инаку, како што нагласуваат од Општина Велес, преку Туристичкото информативно биро посетителите ќе добиваат понуди за разгледување на градот и околината.