Ватикан со висока почит кон македонската традиција
Бронзениот релјеф со библиска тема, што претседателот Ѓорге Иванов во 2011 година му го подари на папата Бенедикт XVI, поранешниот поглавар на Римокатоличката црква, е изложен во централниот дел на Ватиканските простории и предизвикува огромно внимание и интерес кај бројни странски делегации, кои се во посета на Папата и Ватикан.
- Секој што го посетува Ватикан во службена или официјална посета може да го види нашиот подарок. Прекрасно е чувството да се види на какво место е подарокот што ние сме го врачиле на Папата и на Ватикан, изјави македонскиот претседател по средбата со папата Франциск.
За време на вчерашната аудиенција, јави известувачот на МИА, македонскиот претседател на папата Франциск му подари сребрен филигрански крст со автентични македонски рубини. Запрашан да ја објасни симболиката на подарокот, претседателот Иванов вели дека рубинот на тлото на Европа се наоѓа единствено во Македонија.
- Нашиот рубин е со истата боја како и официјалните облеки што ги носи Папата, така што нему навистина му претставуваше чест што добива еден таков подарок, што ја изразува и верата и традицијата и нашата специфичност, изјави македонскиот претседател.
И двата подарока, сребрениот филигрански крст со македонски рубини, како и бронзениот релјеф, кои ја отсликуваат токму македонската традиција, се подарени од претседателот Иванов на Државата Ватикан, во име на македонскиот народ и во знак на благодарност за високата меѓусебна почит и континуираното пријателство.
Бронзениот релјеф, со библиска тема, изработен од македонскиот скулптор Маријан Камиловски, претседателот Иванов му го подари на папата Бенедикт XVI на аудиенцијата по повод Денот на „Светите Кирил и Методиј “во 2011 година. Темата на релјефот, кој предизвика огромна восхит кај ватиканските власти е инспирирана од сонот на Свети Павле, кога му се јавува Македонец и го повикува да дојде во Македонија, со што христијанството почнува да се шири во Европа.
Ново на Сител
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО
-
Кампањата на Бајден продолжува да го користи ТикТок иако тој потпиша нацрт-закон за забрана на апликацијата
-
Повеќе скопски општини без струја
-
ОБСЕ/ОДИХР ќе ги соопшти првичните оценки за изборите
-
30 години Тинекс