Македонија
6. December 2018 - 13:01

Ваташа добива црква и капела

На иницијатива на месната заедница Ваташа, во ова кавадаречко село се гради нова црква до селските гробишта, која истовремено ќе се користи и како капела.

Во градењето на објектот со финансиски средства помогна и кавадаречката локална самоуправа, а донирале и бројни донатори од земјава и странство.

-Многу е значајна изградбата на овој објект за нас ваташани. Во него досега се инвестирани околу 40 илјади евра. Го посветуваме на Архангел Михаил, вели за МИА, Зоран Пењушков, претседател на месната заедница.

Во наредниот период во овој верски комплекс, ќе се изградат и трпезарија и летниковец.
Ваташа како село со околу 3.500 жители, има една црква во централното селско подрачје, а во близина е и Моклишкиот манастир.