-->
-->
„Вашингтон пост“: „Вранец“ меѓу најдобрите вина од Балканот и Мала Азија
-->
Американскиот „Вашингтон пост“ го смести виното „Вранец Веритас“ од бербата од 2011 година на винаријата „Стоби“ меѓу најквалитетните вина од Балканот и од Мала Азија.
Стручњакот Дејв Мекинтаер кој пишува за овој престижен американски медиум во текстот објавен месецов во тесната селекција го става „Вранец“ меѓу петте исклучителни вина од Балканот.
- Вранец е темно црвено грозје кое е поврзано со калифорнискиот зифандел и со балканскиот плавац-мали. Станува збор за прекрасно вино со убав мирис кое совршено оди со чадено месо или со говедска чорба, посочува Мекинтаер.
Деновиве и американскиот весник „Инфорум“, како и критичарот Рон Смит за „Пино Ноар“ истакна дека станува збор за вино кое вреди да се побара и Македонија ја опиша како силен играч во интернационалната винска сцена.
Критичарот на „Инфорум“ посочува дека „Пино Ноар“ е лесно црвено вино со рубин нијанса и со силна арома на шумска јагода.
- Поттекнува од Градско кое е на иста географска ширина со Бургундија и со Руската речна долина и регионот е познат по нивните вина „Пино Ноар“ и „Шардоне, пишува Рон Смит.
Македонската винарија е лоцирана во општина Градско, веднаш до античкиот локалитет Стоби, и годишно произведува околу 4,5 милиони литри вино.
-->
-->
-->
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје